08-mar-19 | © n.c.
Quanne o Segnore nzeppò stu munne
nge mettì se' dìe e po' s'abbendò,
tande che disce,purcè tra nu stennìcchje e nu ialìzze
sendì ca no tutte ière sciute affunne.
E pinze ca pinze alla fine penzò:
"Sèndea pèdde ca se fèsce rizza rizze,
jè signe ca nguna cose jè sciute storte."
Allore pegghjò nu stuèzze de crète,
s'affertequò i màneche corte corte
e ca sanda paciènze se mettì a fatiè arrète.
Manìsce e manìsce u stuèzze de crète, "Prime o po',
ci no so' fatte vècchje e rimbambite,
na cosarèdde tène da assì, o no?"
Fatiève e penzève e alla fine nge vènne da rite.
" N'a jè cose, me ne so sciute proprie o stanèse;
u pòvere Adame l'agghje lassète sule sule.
Me vrevogne a dìscele ma so' sènza nèse,
sperième no pènze ca l'àgghje pegghjète pe....ule."
Fatìe e fatìe, allisce da què allisce da ddè
alla fine vènne fore na bèlla uagnèdde.
"Bè, jè proprie nu piacèreda uardè,
a me me père na bèlla pezzecandrèdde.
Sperième ca nge pièsce a cudde mamone
ca da quanne l'agghje creiète
se ne stè aschennute accome a nu tremone,
tande ca me pènde d'averge dète fiète"
E fu acchessì ca Adame ièbbe na cumbagne,
e da cudde mumènde pegghjò faiòre
e s'a purtò suse a mundagne
e nge piacève parlè che jèdde iore e iore.
Accome jè sciute a fernèsce u sapìme tutte quande
e pure u Segnore disse:"M'avisse tagghjète i mène
invèce de fè a iune ca parève na sande
e nguèrpe tenève tanda velène".
Po' però aggiustò u tire e l'addulgì nu picche,
a fèsce mamme e megghjère
e Adame se sendì chjù ricche
e se scurdò de ciò ca ière.
Alla fine de stu trascurse jì diche
chèssa jè a fèmene ca u Segnore n'ha dète
e no vògghje penzè mica miche
ca sènza de jèdde ièrame a stè chjù recreiète.
edo carella
Le notizie del giorno sul tuo smartphone
Ricevi gratuitamente ogni giorno le notizie della tua città direttamente sul tuo smartphone. Scarica Telegram e clicca qui
